Ekonomi

Prezantohet buxheti 2020 për arsimin/ Shahini: Në fokus Pakti për Universitetin


               Publikuar në : 16:42 - 14/11/19 B H

Ministrisë së Arsimit i është vendosur një buxhet prej 42.5 miliardë lekësh nga buxheti i shtetit.

Sipas ministres Besa Shahini, këto fonde do të përdoren për mbështetjen studentore, për konviktet dhe për ndërtimin e rikonstruksionin e objekteve të reja shkollore.

Shahini foli në lidhje me këtë çështje gjatë komisionit të edukimit, ku u diskutua në parim projektligji për Buxhetin e Vitit 2020.

“Dy prej fushave kryesore që do të shohin të reflektuar rritjen në buxhetit për arsim janë Pakti për Universitetin dhe pjesa e dytë që e përjeton rritjen më të madhe është edhe infrastruktura, si në Arsimin Parauniversitar ashtu dhe në arsimin e lartë.

Buxheti për Ministrinë e Arsimit Sportit dhe Rinisë përbën diku 8% të buxhetit total. Është një përqindje goxha e madhe dhe reflekton edhe rëndësinë që ka sektori për qeverinë shqiptare”, tha ajo.

Kujtojmë se buxheti i siguruar këtë vit për Ministrinë e Arsimit ka një rritje me 8.7% në krahasim me vitin e kaluar.

Kthehu
WhatsApp Denonco ne TT