Rasul Miklaev, i cili është dënuar për terrorizëm në Rusi, u kap pak ditë më parë në Shqipëri. Në seancën gjyqësore, 34-vjeçari është lutur që mos ta deportojnë në Rusi, pasi është i rrezikua. “Ju lutem mos më deportoni në Rusi sepse atje do të më vrasin”, deklaroi Miklaev.
Po ashtu, ai u shpreh se nuk ka mundësi të paguajë për mbrojtjen e tij dhe u shfaq dyshues për avokatin e caktuar. Për rrjedhojë, gjyqtari Paulin Cera, e siguroi në profesionalizmin e avokatit të caktuar për mbrojtjen e tij, të cilit me shtyrjen e seancës iu la dhe kohë për t’u njohur me çështjen dhe realizuar mbrojtjen e klientit.
Për shkak të mungesës së përfaqësuesit të porokurorisë, organi që ka kërkuar shqyrtimin e ekstradimit të tij në Rusi, seanca e radhës gjyqësore ndaj ndaj 34-vjeçarit është shtyrë për në datën 10 shtator.
Kujtojmë se para Gjykatës së Durrësit, Rasul Miklaev, deklaroi se: “Unë krijova një organizatë për të mbledhur ndihma për viktimat luftës në Siri, nuk jam terrorist.”
Ai është arrestuar në Shqipëri si pjesë e grupimit terrorist të Jaish al Muhaxhirin al Ansëar, pjesë e shtetit islamik ISIS.
Provat tregojnë se 34-vjeçari që qëndroi për 11 muaj në këtë dhomë të qendrës se Kareçit ka udhëtuar në vitin 2013 nga Rusia në Turqi dhe më pas në Siri, ku në qytetin Kharitan i është bashkuar njësisë së armatosur të organizatës terroriste. Ai prezantohej përpara stafit të Kareçit si Diego Maradona. Ndërkohë, ajo që e tradhtoi Rasul Mislaev nuk ishte karakteri i tij i çuditshëm apo fakti që qëndronte i mënjanuar nga të tjerët, por e tradhtoi një telefonatë, që i çoi autoritet shqiptare në një komunikim të vazhdueshëm me Rusinë, që nga ana e saj konfirmoi se ky shtetas ishte me kartelën ‘red notice’.
