Shkencëtarët anembanë botës ende nuk kanë gjetur vaksinën për shërimin ndaj koronavirusit. Sipas tyre, vaksina është akoma në fazën testuese dhe pritet që edhe për disa muaj të aplikohet në masë të madhe. Por teksa kërkuesit ende nuk e kanë gjetur ilaçin çudibërës, një person nga Gjilani mendon krejt të kundërtën. Ai thotë se ka gjetur ilaçin ndaj COVID-19.
Madje mjeku Kadrush Abazi kërkonte vullnetarë, për ta provuar barin, që ai pretendon se shëron COVID-19.
Mjeku Abazi kishte publikuar në Facebook recetën e famshme. Duket se edhe mashtrimit të tij i erdhi fundi, pasi ai është vendosur në pranga.
“Prokuroria Themelore e Gjilanit ka njoftuar se është arrestuar i dyshuari K.A., pasi përmes rrjetit social “Facebook”, pasi ka prezantuar një bar, duke theksuar se me atë produkt shërohet Coronavirusi, i cili edhe e ka prezantuar mostrën e barit, me ç’rast e njëjta është konfiskuar dhe do të dërgohet për analizë në Institutin Bujqësor të Kosovës”.
