Nga viti 1981 e deri më sot, 71 milionë njerëz janë prekur nga virusi HIV, nga të cilët 34 milionë kanë vdekur në mbarë botën. Sipas versionit, virusi u identifikua fillimisht tek një shimpazeje e vogël në ngjyrë jeshile në Afrikë. Më pas nisi të prekë pjesëtarët e një fisi primitiv në fillim të viteve 1930.
Por në mesin e komunitetit afro-amerikan në SHBA, ekziston një bindje e fortë se virusi u krijua në laborator me urdhër të qeverisë, për të zhdukur racën e tyre. Sipas tyre, programi sekret federal i Virusit Special, shpenzoi 550 milionë dollarë nga paratë e taksapaguesve për të shpikur SIDA-n. Kjo teori konspirative, bazohet edhe tek eksperimentet famëkeqe të shkencëtarëve amerikanë në Tuskegee, me njerëzit me ngjyrë
të prekur nga sëmundja e Sifilizit. Eksperimentet nisën më 1932, dhe vazhduan deri në fund të viteve 1980. Në majin e vitit 1997, presidenti Bill Klinton, kërkoi zyrtarisht ndjesë për to. Sot shumica e afro-amerikanëve në SHBA, beson se kura për AIDS-in është gjetur, por ajo po u mbahet e fshehtë. Cilado qoftë e vërteta rreth kësaj teorie, fakt është se afro-amerikanë janë më të prekur nga HIV, se sa pjesa tjetër e popullsisë. Edhe në botë, pjesa më e madhe e të prekurve nga ky virus ndodhen në shtetet e Afrikës.
