Update/Në Gjykatën e Krimeve të Rënda u dha sot pretenca e prokurorisë për Emiljano Shullazin dhe bashkëpunëtorët e tij. Prokuroria ka kërkuar 17 vite burg për Emiljano Shullazin, 15 vite për Gilmando Danin, 11 vite burg për Endrit Qyqja, 10 vite për Blerim Shullazi dhe 11 vite për Endri Zela.
Katër prokurorët Donika Prela, Gentian Osmani, Besnik Muçi dhe Anton Martini dhanë pretencën për Shullazin dhe 4 të pandehurit e tjerë pas një serie kundërshtimesh nga prokurorë të tjerë për t’u përfshirë në këtë proces.
Foto/ “Shullazi” blindoi Krimet e Rënda, sot pretenca për të dhe grupin e tij
Gjykata e Krimeve të Rënda pritet të japë sot pretencën për Emiljano Shullazin dhe grupin e tij të përbërë nga Gilmando Dani, Endrit Qyqja, Endrit Zela dhe Blerim Shullazi.
Seanca do të nisë në orën 09:00. Ndërkohë që në orët e para të mëngjesit forca të shumta policie kanë rrethuar Gjykatën e Krimeve të Rënda.
Foto/ “Shullazi” blindoi Krimet e Rënda, dështon seanca (Lajmi data 25 shtator)
Shtyhet për herë të nëntë pretenca për Emiljano Shullazin dhe grupin e tij, e përbërë nga Gilmando Dani, Endrit Qyqja, Endrit Zela dhe Blerim Shullazi. Shkak është bërë mungesa e të pandehurve në sallën e gjyqit dhe e avokatit të njërit pre tyre.
Avokati i Blerim Shullazit, Aldo Tabaku, nuk ishte në seancë pasi kishte një të afërm shumë sëmurë, në gjendje kritike për jetën.
Për këtë arsye gjykata vendosi të caktojë avokat kryesisht për Blerim Shullazin dhe Endrit Qyqen që kishte refuzuar të mbrohej nga avokati Vladimir Meçe.
Ndërkohë që Prokurori Martini kërkoi që të pezullohen afatet e paraburgimit për të pandehurit.
Gjatë seancës pati dhe debate, pasi prokurorët thanë se shtyrja është bërë e qëllimshme, pasi kishin informacion se avokati i Blerim Shullazit ndodhej në oborrin e gjykatës 5 minuta para nisjes së seancës. Por kjo gjë u kundërshtua nga avokatët e tjerë.
Ndërkohë janë zbardhur edhe emrat e prokurorëve të kësaj çështje, ata janë Besnik Muçi, Donika Prela, Anton Martini dhe Gentian Osmani.
Sot pritej të jepej pretenca për grupin e Emiljano Shullazit te Krimet e Rënda. Pas tre muajve shtyrje dhe kaosit pak ditë më parë, më në fund prokurorët do të lexonin pretencën, por as sot nuk është bërë e mundur.
Çështja “Shullazi” blindon Krimet e Rënda, masa të rrepta sigurie para pretencës
Te Gjykata e Krimeve të Rënda, sot do të jepet pretenca për grupin e Emiljano Shullazit. Pas zvarritjes së pafundme të seancave gjyqësore, pas 3 muajsh më në fund prokurorët do të lexojnë pretencën. Dy nga katër prokurorët e dosjes janë Donika Prela dhe Gent Osmani, ndërsa pritet që të publikohen edhe dy emrat e tjerë. Para nisjes së seancës Krimet e Rënda janë blinduar, dhe në gatishmëri janë 150 efektivë.
Kujtojmë se dosja “Shullazi”, shkundi prokurorinë e Krimeve të Rënda, pasi refuzuan hedhjen e shortit për të gjykuar këtë çështje pas largimit të Elisabeta Imerajt, që u emërua drejtuese e prokurorisë në Tiranë dhe Eneid Nakucit me pretendimin se është sëmurë.
Refuzimi për shortin bëri që Arta Marku të niste hetimin disiplinor për 10 prokurorë, ndërsa 3 prej tyre i transferoi në rrethe. Vendimi u kundërshtua nga prokurorët, që tentuan të futen me forcë në zyrën e drejtueses së Krimeve të Rënda. Vala e largimeve përfshiu edhe Sokol Stojanin për shkak se ai nuk pranoi të hetonte prokurorët rebelë që nuk pranuan dosjen Shullazi. Një ditë përpara seancës për dhënien e pretencës në procesin ndaj Emiljano Shullazit dhe bashkëpunëtorëve të tij, ambasada e SHBA deklaroi se “mbështesim prokurorët e guximshëm që kërkojnë drejtësi, edhe kur ka rreziqe”.
Banda e Shullazit akuzohet për krijimin e grupit të strukturuar kriminal, kanosje për shkak të detyrës ndaj Mynyr Konit e Dhori Kules dhe shtrëngim me anë të kanosjes për dhënie pasurie kundër Ylvi Beqjes për ish-hotel “Vollgën” në Durrës. Shullazi rrezikon deri në 15 vite burg për akuzat, po ashtu edhe anëtarët e bandës; Gilmando Dani, Besmir Shullazi, Endrit Qyqja dhe Endrit Zela.
