E enjte, 21 Tetor, 2021
12.5 C
Tirana

Presioni për të rregulluar tregun e pakontrolluar, Bitcoin nën 30,000 dollarë

Çmimi  i bitcoin ka rënë nën 30,000 dollarë, duke zhdukur pothuajse të gjitha fitimet e tij për vitin, pasi kërkesat e rregullatorëve e kanë vënë monedhën kryesore dixhitale në botë nën presion të vazhdueshëm.

Bitcoin ra deri në 12 për qind të martën, duke zbritur deri në 28,824 dollarë, çka bëri që të bjerë me më shumë se 50 për qind nga kulmi i saj në prill prej gati 65,000 dollarësh.

Rënia e bitcoin ka tërhequr shumë pjesë të tjera të tregut të pasurive dixhitale, duke ndikuar dhe në “monedhat alt” si eter dhe dogecoin, shkruan Financial Times.

Javët e fundit ka pasur shtim të presionit nga autoritetet globale që kërkojnë të frenojnë tregun kryesisht të parregulluar.

Kina, e cila ishte një nga tregjet më të rëndësishme të monedhës dixhitale në botë, ka ndaluar prodhimin (mining) e bitcoin në provincat kryesore – ky një proces thelbësor i nevojshëm për të regjistruar dhe verifikuar transaksionet dhe për të krijuar monedha të reja. Banka qendrore e vendit të hënën paralajmëroi disa nga bankat e saj më të mëdha në pronësi të shtetit dhe Jack Ma’s Alipay që të “hetonin dhe identifikonin ” llogaritë bankare që lehtësojnë tregtinë e kriptomonedhave dhe të bllokojnë të gjitha transaksionet përkatëse.

Fundstrat, një kompani kërkimore me seli në Nju Jork, tha se shitja që filloi të hënën ishte “kryesisht e nxitur nga presionet rregullatore nga Kina”.

Vëllimet e tregtimit të hënën në bursat kryesore të ndjekura nga Goldman Sachs u rritën në nivelin më të lartë në rreth katër javë.

Rregullatorët globalë këtë muaj bënë thirrje që kriptovalutat të zbatojnë rregullat më të ashpra të kapitalit bankar për çdo aset, duke argumentuar se kërkesat për mbajtjen e bitcoin dhe monedhave të ngjashme virtuale duhet të jenë shumë më të larta se ato për aksionet dhe bonot konvencionale.

Shqipëria është ndërkohë një nga ato pak shtete të Europës që e kanë rregulluar me ligj të posaçëm tregtimin e monedhave virtuale që në shtator të vitit të kaluar, por aktet nënligjore, që do zyrtarizonin tregtimin e tyre, nuk janë ende gati./Monitor

- Reklama -

Më shumë nga kategoria




Të fundit

PD e vendosur për t’i shkuar deri në fund çështjes “Becchetti”

Pak kohë më parë, Gjykata Europiane e të Drejtave të Njeriut në Strasburg ka dënuar Shqipërinë me 110 milionë euro, për konfliktin me biznesmenin...

Hoxhë Hasan Tahsini, në fokus të Akademisë për Studime të Çamërisë

Hoxhë Hasan Tahsini ka qenë në fokus të Akademisë së Studimeve për Çamërinë. Simpoziumi shkencor i Akademisë së Studimeve për Çamërinë është mbajtur në...

Për periudhën janar-prill janë shpenzuar 14 mln USD për 499 mijë të vaksinuar

Për vaksinimin e popullatës në 4 mujorin e parë të 2021 janë shpenzuar rreth 14 milonë dollarë sipas të dhënave të Ministrisë të Shëndetësisë....

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...