Rizgjedhja e Nicolas Maduros për president është konsideruar joligjore nga shumë liderë perëndimore dhe nga SHBA-ja. Një arsye e fortë kjo që ka sjellë edhe masat e marra ndaj Venezuelës.
Zevendëspresidenti i Shteteve të Bashkuara, Mike Pence u shpreh i vendosur se duke rritur sanksionet në tregtinë me naftë dhe duke premtuar “veprime më të fuqishme” kundër Kubës, mund të sjellë tërheqjen presidentit të Venezuelës, Nicolas Maduro nga posti.
“SHBA-ja do të vazhdojë të rrisë presionin ekonomik dhe diplomatik për të arritur te tranzicioni paqësor i demokracisë në Venezuelë”, deklaroi Pence.
Menjëherë pas deklaratës, Departamenti i Thesarit në SHBA ka ngritur sanksionet ndaj 34 anijeve që janë pronë e kompanisë PDVSA të Venezuelës.
“Ka ardhur koha e çlirimit të Venezuelës nga Kuba”, u shpreh ndër të tjera zevendëspresidenti i Shteteve të Bashkuara.
