Presidentja e Komisionit Evropian, Ursula von der Leyen, tha se ka dalë negative në testin për koronavirus.
Por, do të vazhdojë të vetizolohet deri të martën mbrëma, pasi mori pjesë në një takim me një person i doli pozitiv.
Në një postim në Twitter, von der Leyen konfirmoi se ky është testi i dytë negativ.
”Rezultati për testin tim të fundit Covid-19 sapo erdhi. Testi rezultoi përsëri negativ. Unë do të vazhdoj vetë-izolimin tim deri nesër në mbrëmje, siç parashikohet nga rregulloret në fuqi. Faleminderit të gjithëve për urimet tuaja”, shkruan Von der Leyen në Twitter.
The result for my latest Covid-19 test just came in. I tested negative again. I will continue my self-isolation until tomorrow evening, as foreseen by the regulations in force.
Thank you all for your kind wishes.— Ursula von der Leyen (@vonderleyen) October 5, 2020
Në një postim të mëhershëm në Twitter, von der Leyen njoftoi se është futur në vetizolim, pasi një person, me të cilin është takuar të martën e kaluar, ka dalë të dielën pozitiv në testin për koronavirus.
Von der Leyen tha se u testua edhe të enjten, kur po ashtu doli negative.
