Presidenti serb, Aleksandër Vuçiç merr vaksinën kineze kundër koronavirusit

Presidenti i Serbisë, Aleksandar Vuçiç, u vaksinua kundër koronavirusit ditën e sotme me vaksinën kineze Sinopharm.

Ngjarja u transmetua në televizion, në përpjekje për t’i inkurajuar serbët që të vaksinohen.

“E mora vaksinën dhe ndihem shkëlqyeshëm. Faleminderit punonjësve tanë të shkëlqyeshëm shëndetësorë. Faleminderit vëllezërve tanë kinezë”, shkroi Vuçiç në profilin e tij në Instagram.

Vuçiç ka kritikuar publikisht Bashkimin Evropian për qasjen e tij ndaj pandemisë së koronavirusit, me gjithë dhjetëra miliona dollarët ndihma për kujdesin shëndetësor në Serbi.

Serbia ka siguruar doza të mëdha të vaksinave nga Kina dhe Moska, por edhe nga prodhuesit perëndimorë Pfizer/BioNTech dhe AstraZeneca. Mbi 1.5 milion serbë kanë marrë tashmë së paku një dozë të vaksinës.