Presidenti Meta, do të dalë mëngjesin e sotëm në një konferencë të jashtëzakonshme. Vetë institucioni i Presidentit, në dy deklarata të njëpasnjëshme, tha se arsyeja e kësaj dalje para opinionit të gjerë është për të bërë me dije të gjithë argumentat shterues kushtetues, ligjorë dhe logjikë që e çuan në vendimin për shtyrjen e zgjedhjeve.
Në deklaratën e tij të datës 8 qershor, kur Presidenti ftoi sërish qeverinë dhe opozitën në një dialog për zgjidhje të shpejtë të krizës politike, bëri të ditur se “kam vendosur të shfuqizoj Dekretin nr.10928, datë 05.11.2018 për zhvillimin e zgjedhjeve për organet e qeverisjes vendore më datë 30 qershor 2019″.
