Presidenti Ilir Meta ndodhet në Azerbajxhan, ku merr pjesë në Forumin e 7-të Global me temë “Një Politikë e Jashtme e Re”.
Presidenti Meta, nënvizoi se më shumë se 70 vitesh nga mbarimi i Luftës së Dytë Botërore, si dhe gati tre dekada pas Luftës së Ftohtë, sërish e ardhmja e rendit botëror duket e pasigurt.
“Kërcënime të reja nga terrorizmi ndërkombëtar po përhapen me të njëjtën shpejtësi si revolucioni teknologjik dhe siguria kibernetike po bëhet një sfidë e madhe për shoqëritë dhe vlerat tona”, – tha Presidenti Meta.
Ndërkohë, Meta përsa i përket anëtarësimit të Malit të Zi në NATO dhe zgjidhja e çështjes së emrit midis Maqedonisë së Veriut dhe Greqisë, tha se ato kanë gjeneruar një optimizëm të ri në rajonin tonë.
