Në limite të afateve, Presidenti Ilir Meta ka dekretuar mbrëmjen e sotme ministër të Brendshëm, Sandër Lleshin.
Afati për dekretimin e Lleshit përfundonte në orën 00:00.
Lleshi u emërua zëvendësministër i Brendshëm pasi nuk u dekretua herën e parë nga Meta, ndërsa presidenti ka pranuar ripropozimin e dytë të kryeministrit Rama për të dekretuar zotin Lleshi si ministër të Brendshëm.
Mesditën e sotme, Presidenti Meta e liroi si gjeneral Sandër Lleshin.
DEKRET PËR NXJERRJEN NË LIRIM TË OFICERIT ME GRADË MADHORE
Në mbështetje të nenit 93, të Kushtetutës, të nenit 9, pika 3, shkronja “g”, të ligjit nr. 64/2014, “Për pushtetet dhe autoritetet e drejtimit e të komandimit të Forcave të Armatosura të Republikës së Shqipërisë”, i ndryshuar, të nenit 26 pika 1, shkronja “ç”, të ligjit nr. 59/2014 “Për karrierën ushtarake në Forcat e Armatosura të Republikës së Shqipërisë”, me propozim të Ministrit të Mbrojtjes nr. 8210/1 prot., datë 15.11.2018,
Dekretoj
Neni 1
Gjeneral Brigade Sandër Ndue Lleshaj, nxirret në lirim.
Neni 2
Ky dekret hyn në fuqi menjëherë.
Nr. i Dekretit 10955
Tiranë, më 16.11.2018.
