Presidenti i Kinës, Xi Jinping ka bërë daljen e parë publike pas vendimit të qeverisë për të lejuar fillimin e punës pas pushimit të gjatë zyrtar për shkak të koronavirusit.
Kreu i shtetit kinez, i cili nuk është parë në publik gjatë ditëve të përhapjes së virusit të rrezikshëm, vizitoi një lagje në Pekin. Atij iu mat temperatura e trupit nga një punëtore shëndetësore dhe më pas u përshëndet me banorët dhe punëtorët e distriktit Chaoyang.
Një ekip i ekspertëve të Organizatës Botërore të Shëndetësisë ka shkuar në Kinë për të ofruar ndihmë në lidhje me luftimin e përhapjes së koronavirusit, nga i cili tashmë janë infektuar më shumë se 40 mijë persona në nivel global.
Në Britaninë e Madhe u konfirmuan edhe katër raste të reja sot, teksa qeveria shpalli koronavirusin kërcënim serioz për shëndetin publik.
Video: Chinese President Xi Jinping inspected the #novelcoronavirus pneumonia prevention and control work in Beijing on Monday afternoon. Xi visited residents and staff in a community in Chaoyang District to learn about the situation of the frontline work. https://t.co/n2zr4Ckifs pic.twitter.com/fYLk7DqIzs
— Global Times (@globaltimesnews) February 10, 2020
