Ish-deputeti demokrat, Astrit Patozi tha sot se ia shpif shpikja e Edi Ramës për president të përbashkët të Shqipërisë dhe Kosovës. Me anë të një postimi në rrjetin social “Facebook”, Patozi sulmon dhe kryedemokratin kur thotë se Lulzim Basha është më mirë kur nuk flet.
Patozi i bën një pyetje Bashës se kush është se kush janë hajdutët e momentit. Rival i bashës sqaron se Basha nuk ka zbritur në Shqipëri sot por i kujton kryedemokratit kohën kur ka qenë ministër, kryetar bashkie apo udhëheqës i opozitës.
Postimi i plotë i Astrit Patozit
KUSH JANË HAJDUTËT E TJERË, LULZIM?
Kosova dhe Shqipëria nuk paskan nevojë për një hajdut më shumë, ndaj edhe idea e Edi Ramës për një president të përbashkët nuk paska vlerë. Kështu paska thënë sot me plot gojën Lulzim Basha.
Pyetja është se kush janë hajdutët e momentit dhe këtu nuk ka shumë vend për dilema. Pasi të dy shtetet shqiptare kanë vetëm nga një president, aktualisht.
Por më e rëndë se kjo qenka mllefi i Lulzimit për “klasën politike” shqiptare të këtej dhe andej kufirit. A thua se ka zbritur në Shqipëri sot dhe nuk ka qenë asnjë ditë ministër, kryetar bashkie apo udhëheqës i opozitës.
Edhe mua ma shpif kjo gjoja shpikja e Edi Ramës për president të përbashkët të Shqipërisë dhe Kosovës, por kurrsesi për arsyen idiote të Lulzim Bashës. I cili fiton më shumë kur nuk flet apo shkon me pushime jashtë shtetit çdo fundjavë, sesa kur shprehet apo kur bën sikur e ka seriozisht aksionin politik.