Presidenti i Parlamentit Europian, David Sassoli mbështet hapjen e negociatave për Shqipërinë dhe Maqedoninë e Veriut.
Në hapje të samitit të liderëve të BE-së që zhvillon sot punimet në Bruksel, Sassoli u shpreh se Komisioni Evropian është pro çeljes së menjëhershme të negociatave, ndërsa shtoi se është detyra e BE-së t’i përgjigjet përpjekjeve të dy vendeve ballkanike.
“Ne mbështesim hapjen e menjëhershme të negociatave të pranimit me Maqedoninë e Veriut dhe Shqipërinë. Komisioni Evropian është në favor të kësaj dhe ne do ta kemi të vështirë t’i shpjegojmë njerëzve të atyre vendeve pse e vonojmë atë.
“Kur ne u bëjmë thirrje vendeve fqinje të bëjnë një përpjekje shtesë për të ndryshuar dhe ata e bëjnë këtë, është detyra jonë që të përputhemi me këtë përpjekje”, deklaroi presidenti i PE-së.
