Ushtria azerbajxhanase ka çliruar tetë fshatra të tjerë nga pushtimi armen, njoftoi sot presidenti i Azerbajxhanit, Ilham Aliyev.
“Ushtria e lavdishme e Azerbajxhanit ka çliruar fshatrat Garadaghli, Khatunbulag, Garakollu të rrethit Fuzuli dhe Bulutan, Melikjanli, Kemertuk, Teke dhe Tagaser të rrethit Khojavend. Rroftë Ushtria e Azerbajxhanit! Karabaku është Azerbajxhan!”, tha Aliyev në Twitter.
Në operacionin e ushtrisë azerbajxhanase duke iu përgjigjur okupimit të forcave armene, Cebrail, Hadrut dhe më shumë se 30 fshatra u çliruan më herët.
Një shtetas tjetër azerbajxhanas u vra nga forcat armene sot, duke e çuar numrin e të vdekurve civilë në sulmet armene në 43.
Përleshjet filluan më 27 shtator kur forcat armene shënjestruan vendbanimet civile të Azerbajxhanit dhe pozicionet ushtarake në rajon, duke shkaktuar viktima.
Marrëdhëniet midis dy ish-republikave sovjetike kanë qenë të tensionuara që nga viti 1991 kur ushtria armene pushtoi Malësinë e Karabakut, një territor i njohur ndërkombëtarisht i Azerbajxhanit.
Azerbaijan’s glorious Army has liberated Garadaghli, Khatunbulag, Garakollu villages of Fuzuli district, and Bulutan, Melikjanli, Kemertuk, Teke and Tagaser villages of Khojavend district. Long live Azerbaijan’s Army! Karabakh is Azerbaijan!
— Ilham Aliyev (@presidentaz) October 14, 2020
