Presidenti i FSHF-së, Armando Duka ka pohuar se pas largimit të Gianni de Biasit, në celularin e tij kanë mbërritur dhjetëra kërkesa për drejtimin e Kombëtares Shqiptare.
“Kanë mjaftuar 24 orë nga zyrtarizimi i shkëputjes së marrëdhënieve dhe kanë qenë dhjetëra, apo qindra mesazhe që më kanë mbushur telefonin”, tha Duka për Top Channel.
Gjithashtu, Presidenti i FSHF-së pranon që preferon të vazhdojë punën me një trajner italian, duke u bazuar edhe te eksperienca e mëparshme me De Biasin.
“Personalisht po kërkoj një trajner italian”, ka thënë Duka, ndërsa duket se së shpejti do të zyrtarizohet trajneri i ri i Kombëtares Shqiptare në sajë të kërkesave të larta.
