E shtunë, 31 Korrik, 2021
35.5 C
Tirana

Presidenti Biden takohet sot me udhëheqësit afganë

Presidenti afgan Ashraf Ghani dhe kryenegociatori afgan për paqen, Abdullah Abdullah, do të takohen sot me presidentin Joe Biden në Shtëpinë e Bardhë. Ndër çështjet që pritet të jenë temë e bisedimeve janë bashkëpunimi dypalësh pas tërheqjes së trupave amerikane nga Afganistani dhe procesi i paqes në këtë vend. Korrespondenti i Zërit të Amerikës, Jalal Mirzad njofton nga Kabuli.

Takimi i parë ballë për ballë midis udhëheqësve të dy vendeve vjen ndërsa Shtetet e Bashkuara dhe NATO kanë filluar tërheqjen e forcave të tyre të mbetura nga Afganistani.

Qeveria afgane thotë se takimi do të përqëndrohet në forcimin e marrëdhënieve dypalëshe.

Delegacioni i udhëhequr nga presidenti i Afganistanit do të takohet me Presidentin Biden. Ata do të diskutojnë dhe shkëmbejnë mendime mbi forcimin e marrëdhënieve dypalëshe midis dy vendeve dhe vazhdimin e bashkëpunimit“, tha Mohammad Amiri, zëdhënës i Presidentit afgan.

Disa analistë afganë presin që udhëheqësit të diskutojnë edhe çështjen e bisedimeve të bllokuara mes grupeve të ndryshme afgane dhe mbështetjen e Shteteve të Bashkuara për Afganistanin.

Përparësia kryesore duhet të jetë paqja, dhe pastaj mbështetja ekonomike e Shteteve të Bashkuara, veçanërisht në sektorin e sigurisë, që duhet të vazhdojë për një kohë të gjatë derisa Afganistani të jetë në gjendje të qëndrojë në këmbët e tij“, tha analisti politik Shahzada Masoud.

Scott Worden i Institutit Amerikan të Paqes thotë se Presidenti Biden do të përsërisë angazhimin e Shteteve të Bashkuara për të mbështetur Afganistanin.

Edhe pse trupat amerikane po largohen, mbështetja e Shteteve të Bashkuara për shtetin afgan nuk po zvogëlohet dhe unë mendoj se ky është një nga mesazhet kryesore që Presidenti Biden duhet ta theksojë në këtë takim“, tha ai.

Lexo edhe :   Shkencëtarët paralajmërojnë: Kina po rrit kapacitetet për armë bërthamore
Lexo edhe :   Qeveria afgane po përballet me 'krizë ekzistenciale'

Ndërsa Shtetet e Bashkuara dhe NATO po tërheqin trupat nga Afganistani, Talibanët kanë intensifikuar sulmet e tyre ndaj zonave të kontrolluara nga qeveria dhe kanë marrë nën kontroll dhjetëra distrikte./VOA

- Reklama -

Më shumë nga kategoria




Të fundit

Nxehet situata mes socialistëve/Koçi-Lames: Dikush duhet çuar në SPAK

Pak më herët, drejtori i përgjithshëm i Kadastrës, Artan Lame reagoi pas akuzave të deputetit të zgjedhur të Partisë Socialiste, Petro Koçi, se duart...

Izmir Smajlaj nuk kualifikohet për në finale

Izmir Smajlaj nuk u kualifikua dot për në finale në kërcim së gjati. Një tjetër sportist shqiptar largohet nga Olimpiada e Tokios, teksa është...

Përfundon aventura e Erkand Qerimaj, i 9-ti në renditjen e përgjithshme

Erkand Qerimaj ka dalë i 9-ti në renditjen e përgjithshme të peshëngritjes në Lojërat Olimpike “TOKIO 2020”. Peshëngritësi shqiptar garoi në kategorinë deri në...

Shqipëria nuk ka as të majtë e as të djathtë!

Nga: Enio Civici Zgjedhjet përfunduan. Qeveria është surprizë. Opozita u konsolidua në pozicionin e saj. Pandemia vazhdon, vaksinimi po ashtu. SPAK-u fatmirësisht po dëgjohet. Temperaturat...

FOTO/ Amal Clooney shtatzënë? Ja çfarë thotë çifti

Më herët u pretendua se George dhe Amal Clooney ishin në pritje të binjakëve. Por duket se këto kanë qenë në kuadrin e thashethemeve,...