Presidenti i Austrisë, Alexander Van der Bellen është kapur nga policia bashkë me gruan e tij, Doris Schmidauer, në një restorant në Vjenë teksa kishte hyrë në fuqi orari i shtetrrethimit.
Policia konfirmoi që Van der Bellen ishte parë në restorant nën shoqërinë e dy miqve të tij dhe gruas. Sipas autoriteteve ata ishin duke pirë në tryezë kur policët hynë në klub për një kontroll.
Presidenti austriak i ka kërkuar falje policisë, duke thënë së “Ishte një gabim,nuk e kisha vënë re orën”. Masat e vendosura nga koronavirusi në Austri thonë se lokalet duhet të mbyllen në orën 23:00, ndërsa presidenti e kishte tejkaluar këtë orar.
Lajmin për kapjen e presidentit në restorant e kanë pasqyruar mediat austriake dhe ato gjermane.
Deri më tani, Austria regjistron 16, 539 raste me kororonavirus dhe 641 viktima. Vetëm 800 raste janë ende aktive në Austri.
