Pas deklaratës së kryeministrit Edi Rama për një president të përbashkët mes Kosovës dhe Shqipërisë, ka reaguar edhe ambasada amerikane në Tiranë.
Në reagimin e ambasadës thuhet: ”Ambasada e SHBA mbeti e zhgënjyer nga deklarata e Kryeministrit Rama mbi Shqipërinë dhe Kosovën me rastin e 10 vjetorit të Pavarësisë së Kosovës”.
Gjithashtu theksohet se gjuha e pakujdesshme ndikon në dëmtimin e marrëdhënieve mes Shqipërisë dhe fqinjëve të saj.
“Gjuha e pakujdesshme që aludon në unifikim është e padobishme dhe dëmton marrëdhëniet e Shqipërisë me fqinjët e saj. Ne i bëjmë thirrje të gjithë liderëve të jenë fqinjë të mirë dhe të braktisin gjuhën e përçarjes së së kaluarës”-thuhet mes tjerash në reagim.
