Kryeministri Edi Rama ka folur për herë të parë si drejtues i kryesisë së OSBE, ku ka deklaruar se në krye të agjendës së saj është konflikti në Ukrainë, dhe pse rruga drejt paqes është shumë e gjatë. Në fjalën e tij, kreu i qeverisë u shpreh se pa praninë e OSBE-së, Shqipëria nuk do të kishte ndryshuar.
“Viti ishte sfidues. Mblidhemi për të nisur punën për 2020. Jam besimplotë se rruga e shtruar nga kryesia sllovake, do të na shërbejë si referencë. Më lini t’u sjell në këtë moment të jashtëzakonshëm për vendin tim, që 45 vite më parë kur u themelua OSBE-ja, Shqipëria ishte një Kore e Veriut e Europës, e nxitur nga urrejtja ndaj botës së lirë.
Ishte i vetmi shtet europian që refuzoi që të bëhej pjesë e OSBE-së, dhe të denonconte krijimin e saj. Unë kam qenë pioner me shall të kuq, ndërsa tani u drejtohem si kryetar i kësaj organizate të 57 vendeve dhe 1 miliard banorësh. Jam i ulur sot këtu në këtë karrige, dhe nuk mund të mos iu kushtoj homazh atyre që vuajtën në burgje dhe internime.
Nuk më pëlqente shumë OSBE-ja, se partia ime ishte në qeveri. Nëse hedh sytë pas dhe shikoj ndryshimin dhe pa praninë e OSBE-së, kjo do të ishte e pamundur. Unë besoj se parimet bazë të Helsinkit dhe respektimi i sovranitetit dhe integrimit territorial, mbeten ende siç ishin në të shkuarën. Nuk mund të marrim angazhime të reja pa respektuar të vjetrat.
OSBE-ja i ka dhënë kaq shumë Shqipërisë për kaq shumë vite. OSBE-ja ka dëshmuar se kohë pas kohe mund të dislokohet në mjedise konflikti. Duhet të promovojmë punën e organizatës sonë. Kryesia shqiptare do të respektojë rregullat dhe parimet e OSBE-së.
Misioni i posaçëm dhe Ukraina do të jenë prioriteti im i parë. Iu bëj thirrje që të na sillni sa më shumë emra të kandidateve të femrave të kualifikuara. Kam një qeveri që është në 5-shen botërore për respektimin e barazisë gjinore.
Përparësia e Shqipërisë mbështet për ta nisur nga bazat. Të bëjmë dallimin në terren. OSBE-ja mund të dislokohet në mjedise konflikti dhe pas konfliktit. Duhet të promovojmë punën pranë njerëzve. Kriza në Ukrainë mbetet sfida më e madhe e sigurisë në Europë. Ka pasur sinjale inkurajuese, i përgëzojmë. Rruga për paqen e qëndrueshme mbetet e gjatë. Do të mbështesim përpjekjet e grupit tre palësh. Ukraina do të jetë destinacioni im i parë si kryesues i OSBE-së. Përpjekjet për zgjidhjen e konflikteve do të jenë në krye të agjendës sonë”.
