Presidenti Ilir Meta pritet të mbajë sot një konferencë për mediat. Situata në vend për shkak të Covid-19 pritet të jetë në fokus të kësaj konference, ndërsa duhet theksuar se vjen pas propozimit të qeverisë për të shtyrë edhe me 2 muaj të tjerë gjendjen e fatkeqësisë natyrore.
“Presidenti i Republikes Sh.T.Z Ilir Meta do të japë sot një konferencë për shtyp në ora 12:15. Ftohet gazetarët të jenë të pranishëm, duke respektuar protokollet shendetësore!”.
Më 24 Mars, Shqipëria shpalli për 30 ditë gjendjen e fatkeqësisë natyrore në të gjithë territorin për shkak të situatës nga koronavirusi.
E ndërsa dje, Komisioni i Ligjeve miratoi propozimin për zgjatjen e gjendjes së fatkeqësisë natyrore deri në 23 qershor 2020.
Me shumicë votash, komisioni miratoi projektvendimin “Për propozimin Kuvendit të Republikës së Shqipërisë për dhënien e pëlqimit për zgjatjen e gjendjes së fatkeqësisë natyrore, të shpallur me vendim nr. 243 datë 24.03.2020, të Këshillit të Ministrave” deri në datën 23.6.2020.
