Nga qyteti bregdetar i Vlorës, Lulzim Basha ka ironizuar kryeministrin Edi Rama dhe Presidentin e zgjedhur Ilir Meta për gjendjen që aktualisht ndodhet Shqipëria.
Basha gjatë fjalës së tij thumboi përçarjen e PS-së me LSI-në dhe i quajti premtimet e tyre një moçal që behet Pazar.
“Ata janë përçarë, ata flasin kuturu, njëri thotë do marr 71 mandate, tjetri thotë do marr 71. Të ishte për ta parlamenti bëhet me 700 deputetë. Për ta s’ka rëndësi qytetari por vetëm pushteti. Politika është kthyer në moçal, brenda të cilit bëhen edhe pazaret Në moçal, këndojnë të njëjtat bretkosa, të njëjtat zhaba që kanë një qëllim të zhvatin Shqipërinë e ti lënë shqiptarët me gisht në gojë”,- shtoi ai.
Po ashtu, Basha i ktheu përgjigje Ramës për komentet që ky i fundit ka bërë për listën e PD-së.
“Ka pesë ditë që merret me ekipin tonë. Nuk flet për gjë tjetër. Unë i them se ai na ka zili. Është si dhelpra me rrushin. E di që ky ekip do ta mposhtë”, tha Basha.
Gjatë paradites së sotme Basha ka qenë në takim me elektoratin e Qarkut të Vlorës ku vihet re sulmi që ai po u bën të dy partive rivale PS-së dhe LSI-së.
