Monika Kryemadhi është prononcuar për mediat, pasi është marrë në pyetje nga prokurorët e SPAK si kallëzuese e inceneratorit të Elbasanit.
Pasi shtoi se ka dorëzuar dokumente të tjera, Kryemadhi tha se duhet të bëhet e qartë se afera nuk është e një individi por e sistemit.
“Sot jam thirrur si një nga kallëzueset kryesore të inceneratorit të Elbasanit, për të vazhduar dhe verifikuar dokumentacionin dhe për të shtuar prova të tjera.
Gjeja më e rëndësishme është që një nga arsyet kryesore në të cilat ky proces, i verifikimit të dosjeve të inceneratorëve, nuk është thjeshtë çështja e një individi por sistemit që ka funksionuar në administrim dhe grabitjen e parave. Sot prova për mashtrim dhe vjedhje parash me inceneratorin e Elbasanit”, tha ajo.
