Gjyqi kundër Emiljano Shullazit dhe anëtarëve të tjerë të grupit të tij është shtyrë sërish për të disatën herë tashmë.
Shkak për këtë u bë mungesa e gjyqtarëve. Shtyrja e seancës u njoftua nga kryesuesja Albana Boksi, si pasojë e mosformimit të trupës. Kjo pasi Këshilli i Lartë Gjyqësor ende nuk është shprehur nëse Etleva Temo dhe Artur Kalaja që janë nga Apelet e rretheve mund të gjykojnë si anëtar të Gjykatës së posaçme të Apelit.
Emiljano Shullazi dhe grupi i tij u dënuan nga gjykata e shkallës së parë me 55 vite burg në total. Në nëntor të vitit 2018, Emiljano Shullazi u dënua me 14 vite burgim, Gilmando Dani me 12 vjet burg, Endrit Qyqja dhe Endrit Zela me nga 10 vjet dhe Blerim Shullazi me 9 vjet burg.
Por ata e apeluan vendimin dhe që prej më shumë se 1 vitit procesi ka ngecur në Apel.
