Kreu i Partisë Balli Kombëtar, Adriatik Alimadhi i bën thirrje kryeministrit Rama që të bëhen ligje në dobi të shoqërisë.
Gjatë fjalës së tij nga foltorja e Kuvendit, Alimadhi i ftoi deputetët që nëse kanë “besë”, të marrin një nismë për ‘historinë si shqiptarë’.
“Kryetari i kuvendit na fton ne të shkojmë në festime tek paraardhësit e tij që na kanë vrarë njerëzit tanë. Si more mundet të vij unë në 5 maj për shembull kur më kanë vrarë gjyshin. Të dy kahet politike i ka bashkuar 5 maji.
Ne jemi vrarë, pushkatuar, burgosur, internuar padrejtësisht se nëse keni një besë shqiptari a ka mundësi të marrim një nismë për historinë si shqiptarë. Edhe kur flet seriozisht, ju prapë talleni.
Në Komisionin e Ligjeve një deputet i drejtohet kryetares së Autoritetit të Dosjeve që kjo është plehër. Prapë armiq do ngelemi ne?!
Do ta ftoja me dorë në zemër të nisnim projektligje që janë në dobi të shoqërisë shqiptare, sinqerisht të jenë në dobi. Në 30 vjet keni vjedhur vota. Ju keni kapur gjithë sistemin. Për ju votojnë interesaxhinjtë.
Ju i keni kapur të gjitha me lekë. Të ndryshoni sistemin që asnjë forcë politike të mos marrë para nga buxheti i shtetit. Të mbështetin tek kontributi i votuesve tuaj”.
