Shumë shtete hedhin edhe më shumë dyshimet se Kina e ka ditur për pandeminë, por nuk mori masat, duke sjellë këtë bilanc tragjik që po përjetojmë. SHBA ka shtuar edhe më shumë dozën e dyshimeve, ndërsa kërkon që të çojë hetues, përsa i përket pikëpyetjeve që ka lidhur me koronavirusin.
Një virologe dhe ekipi i saj në një laborator në Wuhan, e kishin paralajmëruar mundësinë e shpërthimit të koronavirusit në formë SARS në Kinë, disa muaj muaj para se epidemia e Covid-19 të godiste qytetin.
Ky parashikim ka ardhur nga një studim i kryer nga Shi Zhengli dhe kolegët e saj në Institutin e Virologjisë Wuhan.
Këtë kërkues kishin vënë në dukje rëndësinë e kryerjes së hetimeve të viruseve nga lakuriqët, raporton ‘Daily Mail’. Shi, me nofkën “Gruaja Lakuriq”, dyshohet se sekuestroi gjenet e koronavirusit të ri, tri ditë pasi u shfaq epidemia, por u detyrua të heshte nga shefi i saj.
Këto paralajmërime ishin dhënë, pas kryerjes së një punimi hulumtues të paraqitur nga Shi, dhe tre bashkëautorë në janar 2019. Studimi u botua në mars të vitit të shkuar, në një revistë shkencore.
Në artikull, ekipi nxori në pah mundësinë e një epidemie tjetër koronavirusi në Kinë, duke analizuar tre shpërthime në shkallë të gjerë të shkaktuar nga SARS, MERS dhe SADS. Të tre patogjenët ishin koronavirus, dhe mund të gjurmohen përsëri tek lakuriqët, dhe dy prej tyre kishin origjinën në Kinë.
