Aurora Mara, deputetja më e re e Kuvendit, dalë nga listat e LSI në zgjedhjet parlamentare të vitit 2017, ka treguar arsyet pse vendosi të pranojë mandatin e deputetit duke dalë kështu kundër vendimit të partisë së saj.
E ftuar në emisionin e mëngjesit “KafeIN”, Mara shprehu vlerësimet e saj për Kryemadhin, por theksoi se vendosi të përfaqësojë qytetarët që i kanë dhënë votën.
“Vendosa të përfaqësoj popullin e Matit i cili më ka votuar. Respektoj Monikën dhe presidentin por pranova mandatin dhe besoj se kam bërë zgjedhjen e duhur”, u shpreh deputetja Mara.
E pyetur në lidhje me qëndrimin e saj në kuvendin e Shqipërisë, zonja Mara deklaroi se ajo sot përfaqëson opozitën e re në kuvend, dhe jo LSI; ndërsa shtoi se do të kontribuojë për kryerjen e reformave të rëndësishme që do t’i hapin rrugën Shqipërisë drejt integrimit evropian.
