Ministri i Brendshëm teksa ka folur në lidhje me performancën e Policisë së Shtetit dhe planet e goditjes së bandave kriminale, ka renditur edhe sfidat që dalin përpara.
I pyetur se ku janë hetimet në lidhje me Klement Balilin, ministri Xhafaj është shprehur se është në proces, ndërsa sa i përket vendodhjes së tij, ministri refuzoi të përgjigjej. Sipas tij, në lidhje me një aksion të policisë të zhvilluar ditë më parë, Xhafaj deklaroi se kishte një informacion, por nuk reziltoi i vërtetë.
Ndërkohë ministri Xhafaj ka folur edhe për dosjen e Habilajve. Ai tha se jemi në kontakte me palën italiane, ndërkohë çështja po hetohet nga pala italiane.Ai tha se është një bashkëpunim konkret pasi prokurorët shqiptarë kanë shkuar dy apo tri herë në Katania.
Sa i përket ekstradimit të Nazer Seitajt, Xhafaj u përgjigj shkurt: “Nuk besoj se ka të bëj një shkelje, pasi bazuar në procedurat nuk cilësohet një gjë të tillë.Çështja Habilaj është duke u hetuar në Itali dhe prokuroria ka shkuar dy apo tre herë në Katania. E them publikisht, se nëse kam favorizuar një njëri timin, në politikë, apo favorizim nga posti jam i gatshëm të mbaj përgjegjësi-tha ai.
