Struktura e Posaçme Antikorrupsion, ka dërguar në gjyq Thoma Gëllçin. Ish-drejtori i RTSH akuzohet për “shpërdorimin e detyrës”. Ai u arrestua më datë 8 tetor të vitit të kaluar, teksa Gjykata e Posaçme e la në burg më 11 tetor ashtu si tre ish-vartësit e tij, anëtarë të komisionit të ofertave Ervin Muraj, Julian Tapia, Alban Malaveci të akuzuar për “abuzim me tenderat”.
Thoma Gëllçi akuzohet vetëm për veprën penale të “shpërdorimit të detyrës”, ndërsa anëtarët e komisionit të vlerësimit të ofertave, për “shkelje të barazisë së tenderave” apo “ankandeve publike”.
Në dosjen e SPAK thuhet se Gëllçi keqmenaxhoi fondet në zbatimin e një kontrate që nuk u zbatua brenda afatit 45 ditor. Prokuroria thekson se ish-drejtori i përgjithshëm i RTSH-së, ka kryer një procedurë tenderimi dy vjet përpara fillimit të funksionimit të kanalit. Prokurorimi për blerjen e paisjeve është bërë që në tetor të 2018-ës.
