Gjashtë shqiptarë kanë përfunduar në pranga të policisë greke në Athinë, pasi akuzohen për më shumë se 9 grabitje.
Operacioni për kapjen e shqiptarëve u zhvillua në Athinë, Kesariani, Neëa Lonia, Acharnes dhe Artemisa.
Sipas mediave greke, shqiptarët e arrestuar janë të moshës nga 22 deri në 41 vjeç, ndërsa raportohet se shqiptarët kanë kryer sistematikisht plaçkitje të armatosura në pikat e karburanteve, në parkingje dhe shtëpi private.
Hetimi për kapjen e shqiptarëve u shtrinë në një hark kohor prej 6 muajsh. Zakonisht grabitjet e tyre i bënin gjatë orëve të para të mëngjesit, ku nënë kërcënimin e armëve arrinin të merrnin shuma parash dhe sendesh me vlerë.
Ata arrinin të merrnin edhe makina duke përdorur çelësat që ua kishin marrë viktimave të tyre nëpërmjet kërcënimit, duke i përdorur si mjet udhëtimi për të vazhduar aktivitetin e tyre kriminal.
Hetimet kanë zbuluar se autorët kishin marrë masa të veçanta parandaluese, duke mbuluar fytyrat e tyre me maska apo kapuç, ndërsa kartat e telefonave i kishin të regjistruara tek persona inekzistentë.
