Policia e Tiranës ka vënë në pranga shtetasin Arben D., 53-vjeç, pasi ka prodhuar në banesën e tij detergjentë, shampo të markave të ndryshme me ngjyrues, sapunë dhe më pas i shiste.
Këtë aktivitet ai e ka ushtruar edhe më herët, ku dhe është arrestuar 6 vite më parë. Por duket se nuk ka marrë mësim nga arrestimi, duke iu rikthyer prodhimit të detergjentëve e shitjes së tyre.
“Seksioni për Krimin Ekonomik në Policinë e Tiranës ka arrestuar një 53-vjeçar, Arben D. Ai akuzohet se prodhonte detergjentë dhe shampo të markave të ndryshme në banesë, me ngjyrues dhe sapunë dhe më pas i shiste.
Kjo veprimtari është përsëritëse prej tij, pasi 53-vjeçari është arrestuar edhe 6 vite më parë po për këtë gjë”, njofton policia.
