Kryeministri, Edi Rama ka premtuar një tjetër vepër publike që është ende e papërfunduar, duke e prezantuar atë në formatin 3D.
Kreu i qeverisë ka zgjedhur ta nisë ditën me pamjet nga kantieri i punimeve në Sarandë, duke u zotuar për një “shëtitore perlë” në qytetin bregdetar të Jugut.
Në postimin e tij në rrjetin social, Facebook Rama u ka dhënë fjalën ndjekësve të tij se kjo shëtitore e re në Sarandë do të bëhet realitet verën e ardhshme.
”Të shkosh në Sarandë dhe të mos bësh dot një shëtitje në një hapësirë të gjerë buzë detit? Boll më, koha për ta bërë. Ju jap fjalën me video që verën e ardhshme ju pret një shetitore perlë. Hidhini një sy projektit me poshtë, në rrugën nga 3D në realitet”, shkruan Rama.
