Anëtaret e LSI-së dhe PD-së kanë braktisur mbledhjen e Konferencës së Kryetarëve, gjatë diskutimit për projektbuxhetin e vitit 2018.
Deputeti Edmond Spaho tha se nuk mund të jetë pjesë e Konferencës së Kryetarëve, duke shtuar se qeveria është e lidhur me krimin dhe se moralisht ka rënë.
Në emër të opozitës, deputeti Edomond Spaho tha se nuk mund të jenë pjesë e Konferencës së Kryetarëve, pasi sipas tij kjo qeveri është e lidhur me krimin dhe moralisht ka rënë.
“Ne si opozitë nuk mund të sillemi sikur jemi në kushte normale. Gjendja në vend është e rëndë. Si rrjedhojë e ngjarjeve të fundit është vërtetuar lidhje e kësaj mazhorance me krimin e organizuar dhe trafikun e drogës.
Për opozitën kjo qeveri moralisht ka rënë. Puna më e mirë që mund të bëjë është të japë dorëheqjen që t’i hapë rrugën një qeverie antimafie si dhe të krijojë kushte për zgjedhje të lira dhe të ndershme.
Jo vetëm ka rënë moralisht, por nuk është edhe një qeveri legjitime sepse është një mazhorancë e ardhur nga zgjedhje të blera. Për rrjedhojë ne nuk mund të bëhemi pjesë e kësaj fasade dhe nuk do të marrin pjesë në Konferencën e Kryetarëve për shqyrtimin e pr/buxhetit 2018,” deklaroi deputeti Spaho.
Ministri i Financave, Arben Ahmetaj paraqiti draftin para deputetëve dhe tha se objektiv në mandatin e dytë mbetet rritja ekonomike me rreth 4,5 %, por kjo nuk i ka kënaqur anëtarët e opozitës.
Ndërkohë, përfaqësuesi i Partisë Socialiste, Taulant Balla shprehu keqardhjen për PD-në, ndërsa ironizoi LSI-në, e cila sipas tij i shkon nga mbrapa PD-së.
