Një foto në rrjetet sociale i ka kushtuar shtrenjtë një punonjësi banke në SHBA. Ai kishte vjedhur nga banka ku punonte rreth 90 mijë dollarë. Por, mesa duket 29 vjeçari nuk ka qenë aq i zgjuar. Ai ka zgjedhur të postojë një foto në rrjetet sociale me lekët e vjedhura.
Sipas mediave amerikane, Arlando Henderson vodhi para nga depozitat e bëra nga klientët e bankës në kasafortë në të paktën 18 raste në vitin 2019. Gjithashtu ai dyshohet se depozitoi disa prej tyre në një ATM.
Sipas autoriteteve, 29-vjeçari i përdori paratë e vjedhura për shpenzimet e tij personale dhe për të blerë një automjet luksoz. Me paratë e vjedhura, ai bëri një pagesë 20 mijë dollarë për të blerë një Mercedez Benz të 2019, ndërsa për pjesën tjetër të parave, mori një kredi nga një bankë tjetër.
Në disa postime në Facebook dhe Instagram, 29-vjeçari postoi disa foto ku mban në duar shuma të mëdha parash dhe duke pozuar para veturës së tij të re.
Mbi të rëndojnë dy akuza për mashtrim të institucionit financiar, 19 akuza për vjedhje, përvetësim dhe keqpërdorim dhe 12 akuza për regjistrime falas. Ai mund të dënohet deri në 30 vjet burg dhe 1 milion dollarë gjobë.
29-vjeçari është akuzuar gjithashtu për pastrim parash të transaksioneve, i cili mbart një dënim prej 10 vjet burg dhe një gjobë prej 250,000 dollarësh.
