Ish-ministri i Drejtësisë, Ylli Manjani, me anë të një postimi në rrjetet sociale shprehet skeptik për protestën e studentëve.
Sipas Manjanit, partitë janë bërë bashkë për të zgjidhur hallet e tyre dhe jo të studentëve, as të popullit “me litar në qafë”.
Në reagimin e radhës, ai trumbeton se qeveria po vjedh sa mundet. Manjani shprehet më tej se me paratë e vjedhura, po mbushen parajsat fiskale dhe po ushqehen bisnese të majme në Amerikë e jo vetëm.
Nëse kjo protestë e studentëve shuhet, sipas Manjanit, përveç shpresës që mbytet keqas, familjet do duhet të nxitojnë pak me ato pagesat e tarifave.
