Ministria për Europën dhe Punët e Jashtme njofton se të gjithë qytetarët shqiptarë që u bllokuan dje në aeroportin e Varshavës, janë kthyer sot në mëngjes në atdhe.
Në njoftimin zyrtar thuhet se qytetarët kanë udhëtuar drejt atdheut me një avion charter.
Ministria e Jashtme e cilëson një vendim të papritur dhe se Ambasada e Shqipërisë në Poloni do të vijojë të bëjë të gjitha përpjekjet e saj në mbrojtje të të drejtave të qytetarëve shqiptarë.
Po kështu apelohet ndaj shtetasve shqiptarë, që të informohen mbi ndryshimet në regjimin e lëvizjes në faqen zyrtare.
Njoftimi
‼️Njoftim lidhur me moslejimin e qytetarëve shqiptarë në Aeroportin e Varshaves.
Në mënyrë të papritur, Polonia ka ndryshuar regjimin e hyrjes së qytetarëve shqiptarë në Poloni.
Për shkak të këtij ndyshimi, ditën e shtunë, më 15 gusht 2020, qytetarë shqiptarë, të cilët u nisën në udhëtim drejt aeroportit të Varshavës me linjën ajrore të Kompanisë Polake, LOT Airline, nuk janë lejuar, që të hyjnë në Poloni.
Ambasada e Republikës së Shqipërisë në Poloni në komunikim të ngushtë me disa shtetas të bllokuar në aeroportin e Varshavës, u vu menjëherë në komunikim me autoritetet vendase dhe me drejtuesit e kompanisë ajrore LOT Airline duke arritur të bëhej e mundur vendosja e një avioni charter në dispozicion të shtetasve, për t’i rikthyer në atdhe, sot, e diel, 16 gusht 2020, herët në mëngjes.
Ftojmë të gjithë shtetasit shqiptarë të cilët presin të ndërmarrin udhëtim drejt shtetit polak që të informohen mbi ndryshimet në regjimin e lëvizjes përpara çdo veprimi tjetër, në faqen zyrtare ? https://strazgraniczna.pl/…/8578,Outbreak-of-coronavirus-ru…
Ambasada e Republikës së Shqipërisë në Poloni do të vijojë të bëjë të gjitha përpjekjet e saj në mbrojtje të të drejtave të qytetarëve shqiptarë.
