Hetuesit kanë filluar një hetim penal për vdekjen e një udhëheqësi politik në qytetin gjerman, Kassel. Ministri Walter Lübcke, kryetari 65-vjeçar i këshillit të qarkut, u gjet i qëlluar në kokë pa armë në vendngjarje, njoftoi media gjermane.
Policia tha vetëm se rrethanat e vdekjes ishin të paqarta dhe zyra e krimit ishte duke udhëhequr hetimin.
“Ne jemi thellësisht të tronditur nga vdekja e papritur e mikut tonë”, tha kryeministri i Hesse, Volker Bouffier.
Sipas faqes lokale HNA, trupi i Lübcke u gjet të dielën në mëngjes në kopshtin e tij në fshatin Istha. Autoriteti rajonal tha se ministri kishte vdekur papritmas, ditën e shtunë në shtëpinë e tij, duke lënë pas gruan dhe dy fëmijë të rritur.
Sipas të dhënave, Lübcke nuk zotëronte armë të deklaruara. Fshati kishte mikpritur një festival birre, i cili përfundoi të shtunën dhe HNA spekuloi se ai mund të kishte takuar dikë në kohën e ngjarjes.
Lübcke ishte udhëheqës i anëtarëve vendorë të qendrës së djathtë të CDU-së të Bouffier në shtetin qendror, duke drejtuar një nga tre zonat rajonale të Hesse-nit gjatë dekadës së kaluar.
Partia e vlerësoi atë si një “ndërtues urash që nuk mund të kishte qenë më i mirë”.
