Ish-zëvendës drejtori i Policisë së Tiranës, Erzen Breçani, në shenjë këmbane alarmi tha se krimi i organizuar po bën para nëpërmjet vjedhjes së pronave e lëndëve narkotike.
Në emisionin “360 Gradë” në RTV Ora, ai zbuloi se grupet kriminale në Durrës kanë qenë nga më të rrezikshmet në Shqipëri.
Po kështu, këto grupe nuk kanë bashkëpunuar asnjëherë me të tjera, duke u kthyer në krim i organizuar. Në përbërjen e tyre ka prokurorë, gjyqtarë, politikanë.
“Krimi i organizuar bën para nëpërmjet trafiqeve, kryesisht nëpërmjet lëndëve narkotike dhe vjedhjes së pronave. Në asnjë lloj mënyre nuk lulëzon dhe nuk fuqizohet më shpejt krimi i organizuar.
Grupet kriminale në Durrës kanë qenë nga më të rrezikshmet në Shqipëri. Nuk kanë bashkëpunuar asnjëherë me të tjera, ndryshe nga siç ndodh në Tiranë, Vlorë apo Fier.
Këto grupe kanë kaluar cakun e grupit, dhe janë bërë krim i organizuar. Pra në përbërjen e tyre kanë prokurorë, gjyqtarë, politikanë, kanë një mbështetje të fuqishme.
