I ftuar në “Drejt” nga Luan Rama, shkrimtari dhe politikani Namik Dokle zbuloi se ka patur miqësi me Sali Berishën, e madje pinin kafe shpesh. Por tashmë këto marrëdhënie janë krisur, e për këtë ai fajëson politikën që i ka ndarë dy palët. Namik Dokle tha se ata nuk janë më miq, ndërsa ka kujtuar kohët e shkuara dhe se çfarë i bashkonte ata.
“Patjetër që është mik i humbur, sepse kur ka qenë mjek, kam pasur miqësi me Saliun dhe madje pinim kafe shpesh.
Ndoshta na bashkonte prejardhja nga veriu apo miqtë e përbashkët. Ai ishte mik me Qemal Sakajevën, i cili ishte koleg i imi dhe kemi pasur miqësi familjare.
Ndoshta kjo njohje na ofronte me Berishën, por më pas politika na ndau. Politika të ndan edhe nga miqtë shumë të afërt, dhe ndonjëherë edhe nga gruaja”.
