Nënkomisarja e Elbasanit, Anisa Kostani, ka ngacmuar sërish. Ajo ka zhvilluar një bisedë me ndjekësit në rrjetet sociale, ku një një ndjekës e ka pyetur: “A je e virgjër?”.
Kostani nuk ka nguruar që t’i përgjigjet, duke thënë:
“Sigurisht që po! Si mund ta çoni në mend njëherë, duke ditur që unë jam e pamartuar!”
Kostani mban të njëjtin pozicion, si nënkomisare pranë sektorit të Krimit Ekonomik në Drejtorinë e Policisë së Elbasanit. Ajo u pezullua më 19 gusht nga ish-drejtori i Policisë së Shtetit, Gledis Nano për thyerje etike.
Kostani ofendoi gazetarët duke marrë shkas nga raportimet për vrasjen e Madrit Ulqinakut në Elbasan. Ajo i quajti gazetarët të degjeneruar dhe dashakeqas ndaj punës së mirë, që sipas saj, po bën Policia e Elbasanit.
Pas incidentit Nano i kërkoi AMP të hetojë Kostanin, si dhe të kalojë në filter të gjitha rrjetet sociale të policëve të cilët shfaqin sjellje kundër etikës e rregullores së policisë.
Efektivja u bë e famshme nga postimet në rrjetet sociale me gjaprin që mban si kafshë shtëpiake.
