Sikundër ishte lajmëruar një ditë më parë, Policia e Shtetit ka marrë masat, duke vendosur snajpera mbi godinën e qendrës tregtare që ndodhet pranë Kuvendit.
Po kështu, edhe përfaqësuesit e mediave janë të pajisur me maska kundra gaz në rast se do të ketë dhunë, dhe policisë do i duhet të shpërndajë gaz lotsjellës.
Parlamenti është “rrethuar” me tela me gjëmba, ndërsa brenda oborrit të Parlamentit qëndrojnë forcat RENEA dhe FNSH.
Forcat e policisë kanë krijuar një kordon të madh, për të mos lejuar protestuesit të futen aty, ndërsa është blinduar edhe një shteg i vogël që lidh Partinë Demokratike me Kuvendin, nga ku mendohet se mund të tentojnë të futen protestuesit.
Në protestën e sotme ka një vëmendje shumë të madhe jo vetëm të mediave vendase, por edhe atyre të huaja.
