Zv.ministrja e Brendshme, Rovena Voda, ka deklaruar se kanë nisur kontrollet monitoruese të territorit nga ajri, për të evidentuar parcelat e mbjella me kanabis.
Në një lidhje me Skype në studion e lajmeve në “News 24”, ajo tha deri më tani është vënë re se kultivimi i lëndëve narkotike po shkon drejt zerimit.
Ndër të tjera, Voda zbuloi se nuk mungojnë edhe rastet sporadike për tentativë kultivimi. Nga data 15 prill ka nisur monitorimi me helikopter dhe nga data 28 edhe me dron, kryesisht në zonat e thella malore.
“Ne kemi nisur kontrollet monitoruese, ka raste sporadike për tentativë kultivimi, kemi rastin e Fierit që ishte kultivim brenda shtëpisë. Nga data 25 prill edhe në vijim kemi nisur monitorimin edhe me helikopter, po ashtu nga 28 prilli edhe monitorim me dron, kryesisht në zonat e thella malore”.
