Policia “shpëton” dy burra nga skllavëria e dyshuar pas një “zbulimi të madh” të fabrikës së kanabisit. Policia e West Midlands në Britani, ka bërë të ditur se ka zbuluar se dy shqiptarë ishin prekur nga e skllavëria, në Fisher Street, në Tipton, Dudley.
Policia hetoi gjatë për “shpëtimin” e dy shqiptarëve të cilët ishin skllavëruar dhe punonin për ruajtjen e një fabrike “të madhe” kanabisi. Dy burra, të dyshuar si “viktima të punës së detyruar”, u zbuluan të premten.
Gjithashtu, gjatë aksionit policia sekuestroi 400 bimë me vlerë qindra mijëra paund. Burrat shqiptarë, të moshës 22 dhe 23 vjeç, tani janë dërguar në një vend të sigurt.
Një zëdhënës i Policisë së West Midlands tha: “Dy burrat shqiptarë të moshës 22 dhe 23 vjeç u gjetën në njësi dhe tani janë duke u mbrojtur – dyshohet se ato mund të jenë viktima moderne të skllavërisë dhe hetimet janë duke u zhvilluar.” TIRANA TODAY
