Kreu i Shtetit, Ilir Meta, ka reaguar lidhur me shoqërimet e kryera një ditë më parë nga policia, gjatë protestës kundër rritjes së çmimeve në Tiranë. Ai thekson se protestat paqësore janë vetë demokracia, ndërsa ka rezervat e tij mbi policinë që ka shoqëruar në rajon shumë qytetarë.
Policia e Shtetit ka arrestuar apo proceduar penalisht rreth 60 persona në të gjithë Shqipërinë, për shkak të protestës kundër rritjes së çmimeve që u shoqërua me bllokim të rrugëve. Drejtoritë e Policisë së Tiranës, Lushnjës, Beratit, Korçës dhe Lushnjës kanë bërë bilancin e ndalimeve gjatë ditës së djeshme të protestës. Kështu mësohet se në mesin e 13 të ndaluarve dhe të proceduar në Korçë është edhe deputeti i opozitës, Edmond Spaho.
Ata akuzohen për veprat penale “Kundërshtimi i punonjësit të policisë së rendit publik”, “Mosbindja ndaj urdhrit të punonjësit të policisë së rendit publik”, “Pengimi i qarkullimit të mjeteve të transportit”.
Statusi
SKANDAL QË MERITON NDËSHKIM LIGJOR!
Por nëse nuk do të kishte gazetarë çfarë duhet të ndodhte më keq?!
Duke i përgëzuar të gjithë reporterët për pasqyrimin me objektivitet të protestave qytetare, i inkurajoj të publikojnë me paanësi aktet e paligjshme.
I ftoj gjithashtu të gjithë qytetarët të “shndërrohen” në gazetarë dhe të denoncojnë abuzimet dhe dhunën e pajustifikuar, të papranueshme dhe të dënueshme të çdo punonjësi të Policisë së Shtetit.
Një BRAVO E MADHE për çdo gazetar dhe qytetar që nuk zmbrapset dhe frikësohet nga aktet e dhunës të pajustifikueshme, por i pasqyron ato me guxim.
PROTESTAT PAQËSORE JANË VETË DEMOKRACIA!
