Nga ana e policisë, nuk mungojnë monitorimet e vazhdueshme në rrugët kryesore urbane të kryeqytetit, ku rritet shpejtësia e lëvizjes dhe njëkohësisht rreziku për tu përfshirë në aksidente rrugore.
Në një orë monitorimi janë konstatuar e ndëshkuar 16 drejtues mjetesh, për shkelje. Policia apelon që drejtuesit e mjeteve të respektojnë rregullat e qarkullimit rrugor, për të mos u bërë burim aksidenti.
“Ndërkohë që përgjatë fundjavës, shërbimet e Policisë Rrugore të Tiranës janë të angazhuar për sigurimin e rrjedhshmërisë së trafikut dhe parandalimin e ngjarjeve rrugore në rrugën Interurbane kryesore Tiranë-Durrës dhe anasjelltas, nuk mungojnë monitorimet në rrugët kryesore urbane të kryeqytetit ku rritet shpejtësia e lëvizjes dhe njëkohësisht rreziku për tu përfshirë në aksidente rrugore është më i lartë, për shkak të lehtësimit të trafikut dhe “nxitimit” pa motiv, të drejtuesve të mjeteve, për të kaluar semaforin sa më parë edhe kur ky i fundit është me dritë të kuqe. Në një orë monitorim konstatohen dhe ndëshkohen 16 drejtues mjetesh, për shkelje semafori”, bën me dije policia.
