Policia e Durrësit i është kundërpërgjigjur postimit të bërë në rrjetin social “Facebook” gjatë ditës së djeshme nga deputeti Sali Berisha.
Ish-kryeministri i vendit ka pretenduar se në zonën e Krujës, përkatësisht në fshatin Brret dhe Mafsheq kishte bimë narkotike.
Nga ana tjetër, sipas Policisë së Shtetit është zhvilluar një kontroll i imtësishëm në këto zona dhe nuk kanë konstatuar bimë narkotike.
Drejtoria Vendore e Policisë Durrës, ka bërë një sërë goditjesh mbi asgjesimin e bimëve narkotike në zonën e Krujës, arrestimin dhe procedimin e personave përgjegjës.
Polica e Durrësit gjithashtu me anë të një komunikate për shtyp, ka ftuar çdo shtetas të denoncojë me qëllim goditjen e paligjshmërisë, duke garantuar marrjen e masave konkrete ligjore nëse konstatohet shkelje apo implikim.
