Policia greke ka dalë së fundmi me një njoftim të ri përsa i përket hyrej-daljeve në pikën doganore të Kapshticës.
Deri më 5 prill nuk mund të hyni dot në Greqi nga Kapshtica ndërsa kthimet në vend janë të lejuara me orar.
NJOFTIMI I POLICISE
Autoritetet e Policisë Greke, në vijim të masave të marra nga qeveria greke mbi përballimin e situatës së krijuar për shkak të pandemisë COVID-19, kanë njoftuar palën shqiptare për shtyrjen e afatit të bllokimit të Pikës së Kalimit Kufitar Kapshticë, deri në datën 05.04.2021.
Deri në këtë datë, dalja nga Shqipëria dhe hyrja drejt Greqisë nëpërmjet kësaj pike kalimi, vijon të jetë e mbyllur.
Ndërsa dalja nga Greqia dhe hyrja drejt vendit tonë, do të jetë e lejuar nga ora 06:00 deri në orën 22:00, për të gjithë shtetasit dhe kategoritë e mjeteve.
