Parkimi në Tiranë shpesh bëhet vend e pavend, duke shkaktuar rëndimin e trafikut në rrugët e kryeqytetit.
Megjithatë, Drejtoria Vendore e Policisë Tiranë ka vijuar aksionin, duke ndëshkuar të gjithë ata shoferë që nuk zbatojnë rregullat e qarkullimit.
Madje, ajo ka dhënë edhe një mesazh për shoferët, duke ua bërë të qartë se do të ndëshkohen në rast se shkelin ligjet e qarkullimit rrugor.
“Të duket vetja i rëndësishëm apo i “paprekshëm”, që parkon duke mos respektuar sinjalistikën rrugore?
Të jeni të qartë dhe të ndërgjegjshëm se mjafton një denoncim në aplikacionin “Komisariati Dixhital” dhe Policia e Shtetit është aty për të ndëshkuar shkelësit!”, shkruan në Facebook kjo drejtori, ndërsa publikon edhe foto të rasteve të tilla.
