Policia Rrugore vazhdon si çdo fundjavë, kontrollet me Drager dhe Radar në kryeqytet, me pika postblloku të vendosura si brenda dhe jashtë qytetit. Nga kontrollet blic policia ka evidentuar dhe vënë masa shtrënguese për të gjithë ata drejtues automjetesh që janë konstatuar me shkelje të rregullave të qarkullimit.
Si pasojë e kontrolleve janë arrestuar 5 shtetas për drejtim të mjetit në gjendje të dehur, 1 tjetër është arrestuar sepse ngiste pa leje drejtimi dhe janë pezulluar 25 leje drejtimi për shkak të ngarjes së mjetit nën ndikim të alkoolit dhe për tejkalim të normave të qarkullimit.
Gjithashtu janë vendosur 5 masa administrative për gara shpejtësie.
Njoftimi i Policisë Rrugore:
5 drejtues mjetesh te arrestuar për drejtim mjeti ne gjendje te dehur.
1 i arrestuar pa leje drejtimi.
13 Leje Drejtimi për shpejtësi tej normave te lejuara.
12 Leje Drejtimi te pezulluara nen ndikimin e alkoolit.
5 masa administrative për gara ne shpejtësi
Këto janë rezultatet e kontrolleve me Drager e Radar deri ne këto momente.
Ndonëse pikat e kontrollit te Policisë Rrugore te Tiranës janë prezent ne te gjithë qytetin dhe jashtë tij, duke ushtruar kontroll çdo fundjave, akoma vazhdon te jete shqetësues fenomeni i vetëbesimit te tepruar qe manifestojnë drejtuesit e mjeteve rrugore edhe kur konstatohen nen efektin e alkoolit ne nivele si 0.97 mg/l, 0.83 mg/l, 0.77 mg/l, 0.59 mg/l etj
Shtetasi me iniciale E.K vjec 28 u verifikua se drejtonte mjetin nen efektin e alkoolit ne masën testi i pare 0.75 mg/l testi i dyte 0.77 mg/l
Shtetasi me iniciale O.H vjeç 39 u verifikua se drejtonte mjetin nen efektin e alkoolit ne masën, testi i pare 0.65 mg/l, testi i dyte 0.71 mg/l
Shtetasi me iniciale M.M vjec 63 duke drejtuar mjetin e tij ne një rruge Interurbane dytesore aksidentoi një këmbësor te moshës 29 vjeç, largohet nga vendi i aksidentit pa i dhënë ndihme te plagosurit dhe pasi identifikohet e kapet nga Policia Rrugore bashke me mjetin qe kishte shkaktuar aksidentin, verifikohet nen efektin e alkoolit ne masën testi pare 0.59 mg/l, testi i dyte 0.59 mg/l.
Shtetasi me inicialet K.N vjec 18 u konstatua duke drejtuar motomjet i papajisur me leje drejtimi.
Shtetasi me inicialet R.M vjec 56 u verifikua se drejtonte mjetin nen efektin e alkoolit testi i pare 0.83 mg/l testi i dyte 0.97 mg/l
Shtetasi me inicialet A.R vjec 22 u verifikua se drejtonte mjetin nen efektin e alkoolit ne masen testi i pare 0.51 mg/l testi i dyte 0.53 mg/l.
Policia Rrugore do vijoje kontrollet intensivisht e sistematikisht çdo dite te javës e ne fundjave me qellim parandalimin e aksidenteve rrugore.
